Smart Phone

Thursday, September 25, 2014

Apple ចេញវីដេអូផ្សាយពាណិជ្ជកម្មដំបូងអួតពីបច្ចេកវិទ្យាកាមេរ៉ា និងអេក្រង់

ទូរស័ព្ទទំនើប iPhone 6/6 Plus របស់ក្រុមហ៊ុន Apple ទទួលបានការគាំទ្រយ៉ាងខ្លាំង ក្រោយពីបានប្រកាស និងចេញលក់។ រយៈពេល ៣ថ្ងៃប៉ុណ្ណោះ ស្មាតហ្វូននេះអាចអន្ទងចិត្តអតិថិជនទិញប្រើក្នុងសន្ទុះបរិមាណមិនធ្លាប់មានរហូត ១០លានគ្រឿងទៅហើយ។ នេះជាតួលេខថ្មីច្រើនជាងកាលពីជំនាន់ iPhone 5S/5C ចេញលក់ដំបូងរយៈពេល ៣ថ្ងៃដូចគ្នា អាចលក់បានតិចជាងនេះ ពោលគឺបាន ៩លានគ្រឿង។

លោក Tim Cooks បានអះអាងថា តួលេខលក់ iPhone 6 ទាំងពីរម៉ូដែលនឹងបន្តមានសន្ទុះកើនឡើងថែមទៀត។ ដូច្នេះ ដើម្បីជួយរុញច្រានប្រជាប្រិយភាពសមិទ្ធផលរបស់ខ្លួននេះ Apple បានចេញឈុតវីដេអូដើម្បីផ្សព្វផ្សាយលើកស្ទួយផលិតផលរបស់ខ្លួនឱ្យលក់ដាច់កាន់តែខ្លាំងជាងនេះថែមទៀត។ វីដេអូ iPhone 6 ទី១ខាងក្រោមនេះ ត្រូវបានក្រុមហ៊ុនលើកឡើងពីចំណុចខ្លាំងនៅលើបច្ចេកវិទ្យាកាមេរ៉ាសមត្ថភាពខ្ពស់ដែលអាចប្រើមុខងារវីដេអូយឺតៗ ឬ Slow Motion, time laps និងមុខងារ Zoom បានយ៉ាងច្បាស់ដំណើរការរលូន។

ចំណែកវីដេអូទី២ ក្រុមហ៊ុនចង់បង្ហាញអំពីភាពងាយស្រួលនៃការប្រើ iPhone អេក្រង់ធំជាងមុន ព្រមជាមួយមុខងារអាចផ្ដេក Home Screen បាន ខណៈដែល iPhone ជំនាន់មុនៗមិនអាចធ្វើបាន៕
ប្រភព៖ Business News

មើលអត្ថបទនេះទាំងអស់...

Wednesday, September 24, 2014

របៀបមើល App ណាមួយស៊ីថ្មខ្លាំងជាងគេនៅលើ iOS 8

at 11:38 AM 0 comments

Apple បានធ្វើឱ្យអតិថិជននៅជុំវិញពិភពរំភើបយ៉ាងខ្លាំងពីការប្រកាសដាក់ iPhone 6 និង 6 Plus ព្រមគ្នា។ ដោយឡែកកាលពីថ្ងៃទី ១៧កញ្ញាវិញ iOS 8 ក៏បានធ្វើឱ្យអ្នកប្រើប្រាស់ iDevice ទាំងអស់សប្បាយចិត្តមិនស្ទើរតែដោយសាលក្ខណៈពិសេសៗច្រើនជាង iOS ជំនាន់មុនៗ។

ទោះជាយ៉ាងណាប្រព័ន្ធប្រតិបត្តិការកាន់តែទំនើបពោលគឺវាជៀសមិនផុតពីត្រូវថាមពលថ្មច្រើនជាងមុន។ ខាងក្រោមនេះជារបៀបមើលថាតើ App ណាខ្លះស៊ីថ្មខ្លាំងជាងគេនៅលើ iOS 8 មួយនេះ៖

១. ចូលទៅកាន់ Setting>General

២. ចូលទៅកាន់ពាក្យថា Usage

៣. ជ្រើសរើសពាក្យថា Battery Usage

៤. បន្ទាប់មកវានឹងលោតផ្ទាំងមួយដូចខាងក្រោមបង្ហាញពីព័ត៌មានលំអិតរបស់ App នីមួយៗ

៥. Scroll ចុះក្រោមដើម្បីដឹងថាតើ App មួយណាត្រូវការថាមពលថ្មច្រើនជាងគេ

៦. បន្ទាប់មកវានឹងបង្ហាញរយៈពេលនៃការប្រើប្រាស់តាំងពីពេលសាកពេញលើកចុងក្រោយ និងថាមពលថ្មដែលប្រើទៅលើ App នានាក្នុងរយៈពេល ២៤ ម៉ោងចុងក្រោយ ឬ៧ថ្ងៃចុងក្រោយ។

ប្រភព៖ សប្បាយ

មើលអត្ថបទនេះទាំងអស់...

Sok and Sao មានលើទូរស័ព្ទ Android ហើយប្រញាប់ដោនឡូតលេងទាំងអស់គ្នា

at 11:32 AM 0 comments

សប្ដាហ៍នេះគឺជាសប្ដាហ៍ទីបួននៃខែកញ្ញាហើយ ដូច្នេះអ្នកទាំងអស់គ្នាអាចដោនឡូដហ្គេម Sok and Sao’s Adventure យកទៅលេងលើស្មាតហ្វូន និងថេប្លេតរបស់អ្នកដែលដំណើរការដោយប្រព័ន្ធប្រតិបត្តិកាណ៍ Android ហើយ។ ហ្គេមនេះមិនបានដាក់អោយដោនឡូដនៅលើ Playstore នោះទេ ប៉ុន្តែវាដាក់អោយដោនឡូដនៅលើ Amazon Store វិញ ដូច្នេះនាំគ្នាដោនឡូដនៅថ្ងៃនេះ និងសាកល្បងលេងហ្គេមដែលបង្កើតដោយកូនខ្មែរទាំងអស់គ្នាណា។

តម្រូវការ

- ទូរស័ព្ទ រឺថេប្លេតដែលដំណើរការដោយប្រព័ន្ធប្រតិបត្តិកាណ៍ Android 2.3 ឡើងទៅ
- មានកម្មវិធី Amazon ដែលអាចទាញចេញពី Playstore បាន។ ដោនឡូដ
- មានគណនី Amazon ដែលអ្នកអាចបង្កើតបាននៅក្នុងកម្មវិធី Amazon ខាងលើនេះ ដែលយើងគ្រាន់តែបំពេញអ៊ីម៉ែល លេខសំងាត់ និងអាស័យដ្ឋានបន្តិចបន្តួចប៉ុណ្ណោះ។

របៀបតម្លើង

- បើកកម្មវិធី Amazon នៅលើទូរស័ព្ទអ្នក និងស្វែងរកពាក្យ “ Sok and Sao’s Adventure”
- ចុចដោនឡូដ (អ្នកត្រូវមានគណនី Amazon ដែលអាចបង្កើតបានដោយខ្លួនឯងយ៉ាងរហ័សនិងងាយស្រួល)
- បន្ទាប់ពីវាទាញហ្គេមនេះរួចរាល់ហើយ សូមបើកឯកសារដែលបានទាញយករួច និងចុច Install
- បើកហ្គេមនេះហើយចាប់ផ្តើមលេងទៅជាការស្រេច។

របៀបលេង វគ្គ និងល្បឿនដំណើរការនៃហ្គេមនេះយើងសង្កេតឃើញថាគ្មានភាពខុសគ្នាពីហ្គេម Sok and Sao នៅលើ Windows Phone នោះទេ។ សាកល្បងដោនឡូដហ្គេមនេះលេងទាំងអស់គ្នាទៅមើល ព្រោះអីវាគឺជាហ្គេមដែលបានបង្កើតឡើងដោយខ្មែរសុទ្ធសាធ ហើយយើងក៏អាចមានឃើញឈុតឆាកជាច្រើន សុទ្ធតែបង្កើតឡើងដោយប្រើរចនាបថខ្មែរ។ ឥលូវនេះទាំងអ្នកប្រើប្រាស់ Windows Phone និង Android អាចលេងហ្គេមនេះបានរួចហើយ ចំណែកឯអ្នកប្រើប្រាស់ iOS វិញក៏នឹងអាចលេងហ្គេមនេះបានដែរ ប៉ុន្តែសូមរង់ចាំបន្តិចណា៕

ប្រភព៖ Cambo Report

មើលអត្ថបទនេះទាំងអស់...

អ្នកប្រើ iPhone 6 Plus មួយចំនួនជួបប្រទះបញ្ហាវៀច និងកោងទ្រង់ទ្រាយ

at 11:28 AM 0 comments

មានអ្នកប្រើប្រាស់ iPhone 6 Plus មួយចំនួនបានធ្វើការត្អូញត្អែរថាទូរស័ព្ទរបស់ពួកគេចាប់ផ្តើមមានរាងកោងប្លែកខុសពីធម្មតា ចំនែកអ្នកខ្លះទៀតប្រាប់ថាគ្រាន់តែខ្លួនដាក់វាក្នុងហោប៉ៅដូចសព្វដងស្រាប់តែដកចេញមកវាមានរាងវៀចត្រង់ចំនុចប៊ូតុងសំលេងទៅវិញ! បើយោងតាមការស្រង់មតិ យោបល់របស់ MacRumors ប្រាប់អោយដឹងថាមនុស្សមួយចំនួនធំជួបបញ្ហានេះដោយសារពួកគេដាក់ iPhone 6 Plus នៅក្នុងហោបៅក្នុងរយះពេលយូរ។ ដូចយើងដឹងស្រាប់ហើយថា iPhone 6 plus មានរាងស្តើងជាង iPhone ជំនាន់មុនៗ ម្យ៉ាងទៀតអេក្រង់របស់វាក៏ធំជាងមុនផងដែរ ដូចនេះ 6 Plus មិនអាចទ្រាំទ្រនូវសំពាធក្នុងហោប៉ៅ រេចុះឡើងតាមកាយវិការមនុស្សដូចស្មាតហ្វូនផ្សេងៗឡើយ។

ចំពោះក្រុមហ៊ុន Apple ផ្ទាល់នៅមិនទាន់មានបញ្ចេញប្រតិកម្មអ្វីចំពោះបញ្ហានេះទេ! យ៉ាងណាក៏ដោយបើសិនជាបញ្ហាទាំងនេះនៅតែកើតមានឡើងបន្តៗគ្នាទៀតនោះ Apple ប្រាកដជាជួបបញ្ហាធំហើយ។ ដោយរឿងនេះមិនមែនជាកំហុសបច្ចេកទេសផ្នែក Software ដែលគ្រាន់តែបញ្ចេញកំនែអាប់ដេតដូចរាល់ដងដោះស្រាយបាននោះទេ វាគឺជាបញ្ហាផ្នែករឹងរបស់ម៉ាស៊ីន! យ៉ាងណាក៏ដោយខេមបូសង្ឃឹមថារឿងនេះមិនមានកើតឡើងចំពោះបងប្អូនខ្មែរយើងទៅចុះ ព្រោះអីគាត់ទិញiPhone 6 Plus អស់លុយមិនតិចជាង 1600$ ឡើងទេ ហើយបើវាមានចេញរាងកោងដូចរូបភាពខាងលើនេះមែននោះប្រាកដជាយ៉ាប់ហើយ៕

ប្រភព៖ Cambo Report

មើលអត្ថបទនេះទាំងអស់...

Thursday, September 18, 2014

របៀបតម្លើងក្តារចុចខ្មែរនៅលើ iOS 8 សម្រាប់តែ iPhone

at 5:16 PM 0 comments

នៅព្រឹកមិញនេះ សំនួរដែលអ្នកប្រើប្រាស់ iDevice នៅកម្ពុជាបានចោទសួរឡើងច្រើនជាងគេនោះគឺថា ហេតុអ្វីបានជាមិនឃើញមានក្តារចុចខ្មែរភ្ជាប់មកជាមួយប្រព័ន្ធប្រតិបត្តិការណ៍ iOS8? យើងសូមបញ្ជាក់ម្តងទៀតដែរថា ក្រុម 4khmeriphone បានផ្ញើរកម្មវិធីក្តារចុចនេះទៅកាន់ Apple រួចហើយ អ្វីដែលយើងត្រូវធ្វើនៅពេលនេះគឺយើងត្រូវរង់ចាំដល់ Apple ដាក់ក្តារចុចនេះអោយដោនឡូដលើ Appstore ជាផ្លូវការតែប៉ុណ្ណោះ។ ប៉ុន្តែនៅក្នុងកំឡុងពេលរង់ចាំនេះ អ្នកទាំងអស់គ្នាអាចប្រើប្រាស់ក្តារចុចខ្មែរបណ្តោះអាសន្នបាន តាមរយៈដោនឡូដកម្មវិធីមួយនេះ។

ក្តារចុចនេះគឺជាក្តារចុចបណ្តោះអាសន្នមួយ ដែលអ្នកប្រើប្រាស់ iPhone និង iPod touch 5th ដែលដំណើរការដោយ iOS 8 អាចប្រើបាន ហើយរបៀបតម្លើង និងប្រើប្រាស់គឺពិតជាមានភាពងាយស្រួលបំផុត។ ដោយឡែកសម្រាប់អ្នកប្រើប្រាស់ iPad វិញ អ្នកទាំងអស់គ្នាមិនអាចប្រើប្រាស់ក្តារចុចនេះបាននោះទេ ពោលត្រូវរង់ចាំកម្មវិធីក្តារចុចរបស់ 4khmeriphone។ ខាងក្រោមនេះគឺជារបៀបតម្លើងក្តារចុចខ្មែរនៅលើ iPhone រឺ iPod របស់អ្នកដូច្នេះសូមតាមដានជាមួយយើងទាំងអស់គ្នា។

1. ចុចទីនេះ ដើម្បីដោនឡូដកម្មវិធី CamTranslate ចេញពី Appstore
2. បើក Setting > General > Keyboards > Keyboards > Add New Keyboard > ជ្រើសរើសយក CamTranslate ជាការស្រេច។
3. សាកល្បងបើកកម្មវិធី Note ហើយវាយអក្សរខ្មែរទៅជាការស្រេច (ដើម្បីផ្លាស់ប្តូរភាសាសូមចុចសញ្ញាផែនដី)

បន្ទាប់ពីការតេស្តសាកល្បងហើយ យើងសង្កេតឃើញថាក្តារចុចនេះគឺពិតជាមានល្បឿនលឿនខ្លាំង យក៏ងាយស្រលប្រើខ្លាំងផងដែរ។ ប៉ុន្តែវាក៏មានកំហុសឆ្គងមួយចំនួន ដូចជាមិនអាចប្រើជាលក្ខណៈ ផ្តេកបាន ហើយក៏មិនទ្រាំទ្រជាមួយ iPad ទៀត។ អ្នកទាំងអស់គ្នាអាចប្រើក្តារចុចនេះជាលក្ខណៈបណ្តោះអាសន្នបានរហូតដល់ក្តារចុចខ្មែរចេញអោយដោនឡូដជាផ្លូវការនៅក្នុងរយៈពេលប៉ុន្មានថ្ងៃខាងមុខនេះ។

ប្រភព៖ Cambo Report

មើលអត្ថបទនេះទាំងអស់...

តោះមើល iOS 7 និង iOS 8 ខុសគ្នាត្រង់ណាខ្លះ?

at 5:02 PM 0 comments

ចុងក្រោយ iOS 8 បានចេញជាផ្លូវការ ហើយមានមិត្តអ្នកអានមួយចំនួនច្បាស់ជាបានអាប់ដេតរួចមកហើយ ជាការពិតណាស់ក្រុមហ៊ុន Apple បានធ្វើឲ្យមហាជនចង់ដឹង ចង់ឃើញពីផលិតផលថ្មីរបស់ក្រុមហ៊ុននេះណាស់ សូម្បីតែប្រព័ន្ធប្រតិបត្តិការ iOS 8 ថ្មីដែលទើបតែចេញកាលពីម្សិលមិញនេះបានធ្វើឱ្យមហាជនចាប់អារម្មណ៍យ៉ាងខ្លាំង នៅពេលដែលបានទទួលការអាប់ដេតជាផ្លូវការបែបនេះ។

នេះពិតជាធ្វើឲ្យមានការភ្ញាក់ផ្អើលពិតមែន ប៉ុន្តែក៏មានមិត្តអ្នកអានមួយចំនួនដែលមិនទាន់បានអាប់ដេតអាចមកតាមដានពត៌មានឱ្យកាន់តែច្បាស់មុនពេលអាប់ដេតបាន អ្នកអាចមកមើលរូបភាពខុសគ្នារវាង iOS 7 និង iOS 8 បាននៅខាងក្រោមនេះ។

1. Spotlight Search

2. សារនៅលើ Lock Screen

3. ការតបសារបានរហ័ស

4. ការផ្ញើសារជាសំលេង និងវីដេអូ

5. ការផ្តល់ជាពាក្យជំនួយ

6. គ្រាន់តែអូសនៅលើអក្សរនៅពេលចង់វាយអក្សរណាមួយ

7. លោតផ្ទាំងផ្តល់ដំណឹងថ្មី

8. Multitasking មានលេខទូរស័ព្ទដែលអ្នកចូលចិត្តនៅខាងលើ

9. Siri អាចដឹងពីចំនងជើងបទចំរៀងដោយគ្រាន់តែស្តាប់ភ្លេងបន្តិចប៉ុណ្ណោះ

10. របាជូនដំណឹងថ្មី

11. Spotlight Search ក្នុង Safari

12. ការកែប្រែថ្មី Sharing Menu

13. អ៊ីម៉ែល

14. កាមេរ៉ា

15. Time-lapse Videos

16. ការ Edit រូបភាព

17. ស្ថិតិថាមពលថ្ម

ពិតជាកាន់តែអស្ចារ្យមែន អ្នកប្រើប្រាស់ស៊េរី iPhone, iPad និង iPod ដែលអាចអាប់ដេតបានទូទាំងពិភពលោក បានស្គាល់ច្បាស់ពីអត្ថប្រយោជន៍បែបថ្មីរបស់ iOS 8 ថាពិតជាមានការបន្ថែមបច្ចេកវិទ្យាសំខាន់ៗជាច្រើន បានកែតម្រូវការឌីហ្សាញរូបរាងខ្លះៗឲ្យកាន់តែមានភាពទាក់ទាញជាង iOS 7 ពិតមែន៕

ប្រភព៖ Cambo Report

មើលអត្ថបទនេះទាំងអស់...

Rovio ចេញហ្គេមថ្មីស្រដៀង Clash of Clans សម្រាប់ iOS

at 2:03 PM 0 comments

នាពេលថ្មីៗនេះ ក្រុមហ៊ុនផលិតកម្មហ្គេមដ៏ល្បី Rovio បានចេញហ្គេមថ្មីដែលមានឈ្មោះថា Plunder Pirates ដែលស្រដៀងនឹងហ្គេម Clash of Clans ដែលកំពុងមានភាពល្បីល្បាញជាងគេនៅលើប្រព័ន្ធប្រតិបត្តិការណ៍ iOS និង Android នោះ។ ប៉ុន្តែហ្គេម Plunder Pirates ថ្មីនេះ មានតែនៅលើ iOS ប៉ុណ្ណោះ មិនទាន់មានសម្រាប់ Android និង Windows នៅឡើយទេប្រហែលមាននៅដើមឆ្នាំក្រោយឯនោះ។

ហ្គេមបង្កើតបន្ទាយ និងកងទ័ពថ្មីនេះ មានលក្ខណៈជា 3D ស្រស់ស្អាត ដោយត្រូវសាងសង់បន្ទាយលើកោះ និងកងទ័ពដោយខ្លួនឯងដើម្បីធ្វើការវាយលុកបន្ទាយរបស់អ្នកដទៃ ដែលអាចលេងជាហ្គេម និងមិត្តភក្ដិរបស់អ្នកដូចនឹងហ្គេម Clash of Clan ផងដែរ។

ហ្គេម Plunder Pirates នេះអាចចុចទីនេះដើម្បីទាញយកដែលមានទំហំ 97.2MB ហើយតម្រូវសម្រាប់អ្នកប្រើ iOS 7.0 ឡើងទៅ៕

មើលអត្ថបទនេះទាំងអស់...

ប្រណាំងកូនឡានជាមួយទេសភាពដ៏អស្ចារ្យក្នុងហ្គេម Beach Buggy Racing

at 12:17 PM 0 comments

Beach Bugy Blitz គឺជាហ្គេមដែលមានភាពល្បីល្បាញមួយ ហើយខ្ញុំជឿជាក់ថាប្រិយមិត្តមួយចំនួនធំពិតជាធ្លាប់លេងហ្គេម បែបប្រណាំងឡានគួរអោយស្រឡាញ់មួយនេះជាក់ជាមិនខាន។ ហ្គេមនេះទទួលបានការពេញនិយមច្រើនខ្លាំងណាស់ដែរ ដែលមានចំនួនអ្នកដោនឡូដខ្ទង់សិបលានឯណោះ។ នៅថ្ងៃនេះផ្ទាល់ ស្ទុយឌីយោបង្កើតហ្គេមមួយនេះ បានបញ្ចេញហ្គេមមួយទៀតដែលមានក្រាហ្វិកកាន់តែស្រស់ស្អាត មានឡាន និងវគ្គគួរអោយទាក់ទាញជាច្រើន។

ហ្គេមនេះគឺជាហ្គេមបែបប្រណាំងឡាន ដែលយើងត្រូវធ្វើការប្រកួត ប្រជែងជាមួយនឹងដៃគូជាច្រើន។ រៀងរាល់ជុំ អ្នកនឹងបានឃើញរបស់ពិសេសដែលមានដូចជាគ្រាប់បែក មីន ផាវបង្កើនល្បឿន និងកាំភ្លើងជាដើម ហើយឈុតឆាក និងរូបភាពគឺបានរចនាយ៉ាងពិសេសនិងទាក់ទាញបំផុត។ ហ្គេមនេះមានផ្លូវរត់ចំនួន 12 ដែលតម្រូវអោយអ្នកលេងម្តងៗមួយៗ ដើម្បីឆ្លងវគ្គ ហើយឧបសគ្គ
នឹងមានកាន់តែច្រើនឡើងៗ។
បន្ទាប់ពីបានតេស្តសាកល្បងលេងហ្គេមនេះហើយ យើងសង្កេតឃើញថាវាពិតជាមានភាពទាក់ទាញជាខ្លាំង ជាពិសេសផ្ទៃក្រាហ្វិករបស់វាតែម្តង ដែលមានភាពស្រស់ស្អាតដំណើរការដោយរលូនតែម្តង។ ហ្គេមប្រភេទនេះគឺជាហ្គេមដែលអាចអ្នកលេងញៀនបាន ព្រោះអីគេមិនចាំបាច់ចំណាយ
កម្លាំងក្នុងការគិតនោះទេ ផ្ទុយមកវិញគឺមានអារម្មណ៍សម្រាកខួរក្បាល។

ហ្គេម Beach Buggy Racing ទើបតែបង្ហាញវត្តមាននៅថ្ងៃនេះទេ ដែលអ្នកទាំងអស់គ្នាអាចដោនឡូដយកបានដោយឥតគិតថ្លៃឡើយពី Playstore និង Appstore ដែលវា

មានទំហំក្បែរ 70mb។

ប្រភពៈ Cambo Report

មើលអត្ថបទនេះទាំងអស់...

លក្ខណៈសម្បត្តិពិសេសៗ ៦ចំណុចនៅលើ iOS 8 នឹងត្រូវចិត្តអ្នក!

at 12:12 PM 0 comments

ប្រព័ន្ធប្រតិបត្តិការ iOS 8 ទើបតែចេញឱ្យសាធារណជនអាចដំឡើងនៅលើឧបករណ៍ iDevice របស់ខ្លួនបាន។ រយៈពេលប៉ុន្មានខែមកនេះ ក្រុមហ៊ុន Apple សម្រិតសម្រាំង iOS 8 ដោយច្របាច់បញ្ចូលមុខងារថ្មីៗពិសេសងាយស្រួលប្រើដល់អតិថិជន។ ខាងក្រោមនេះគឺជាមុខងារថ្មីដែលអាចផ្ដល់ជាអត្ថប្រយោជន៍ដល់អ្នកប្រើបាន ទាំង៦ចំណុច។

១) Device Continuity៖
នៅពេលប្រព័ន្ធប្រតិបត្តិការ Mac របស់ Apple គឺ OS X Yosemite ចេញចុងខែតុលាក្រោយ នឹងអាចភ្ជាប់ជាមួយ iOS 8 បាន។ អ្នកប្រើអាចប្រើមុខងារលើទូរស័ព្ទ ដោយប្រើកុំព្យូទ័រ ដូចជា ទទួលការខលទូរស័ព្ទ ទទួលសារមកលើកុំព្យូទ័រ និងអាចផ្ទេរឯកសារពី iPhone ឬ iPad ទៅកាន់កុំព្យូទ័របានងាយស្រួល។ មុខងារនេះ មានឈ្មោះថា Handoff ដែលអាចដំណើរការបានជាមួយកម្មវិធីមួយចំនួនដូចជា៖ Maile, Safari, Pages, Numbers, Keynote, Maps, Message, Reminders, Calendar និង Contact។

២) បន្ថែម Widgets៖
ទីបំផុត Apple ផ្ដល់ឱ្យអ្នកប្រើអាចបន្ថែម widget គាំទ្រលើ iOS 8 ហើយ ប៉ុន្តែមិនមែននៅលើ Home Screen នោះទេ។ អ្នកប្រើអាចបន្ថែម widgets បានទៅក្នុង Notification Center ដែលជា standalone tools សម្រាប់ការងារដូចជា ឆែកមើលអាកាសធាតុ និងតាមដានមើលទំហំនៃការប្រើប្រាស់អ៊ីនធឺណិតជាដើម។ សូមបញ្ជាក់ថា widget គាំទ្រ និងអាចប្រើបាននៅលើ Android ជាយូរមកហើយ។

៣) អាចដំឡើងក្ដារចុចលក្ខណៈ Third-party app (Keyboard changes)៖
ក្ដារចុច Keyboard ដែលពីមុនគេប្រើបានតែរបស់មានស្រាប់នៅលើ iOS ឥឡូវគេក៏អាចដំឡើង keyboard បន្ថែមជាលក្ខណៈ third-party app បានដែរ ដូចជា Swype ដែលជា keyboard ទទួលបានការនិយមប្រើច្រើននៅលើ Android។ ស្របពេលដែល iOS 8 មានពុម្ពអក្សរខ្មែររួចជាស្រេច ដូច្នេះ អ្នកប្រើ iPhone នៅស្រុកខ្មែរ គ្រាន់តែប្រើ Keyboard ខ្មែរជាការស្រេច ដោយមិនចាំបាច់ jailbreak ឡើយ។

៤) ប្រើ Siri សួរបទចម្រៀង (What song is playing?)
មុខងារឆ្លើយឆ្លងជាសំឡេង Siri ត្រូវបានច្របាច់បញ្ចូលជាមួយ Shazam ដែលជាកម្មវិធីរៀបចំតន្ត្រី និងឯកសារ media ផ្សេងៗ។ អ្នកប្រើ iOS 8 នឹងអាចប្រើមុខងារ Siri សួរអំពីឈ្មោះបទចម្រៀងដែលកំពុងបើកស្ដាប់បានដោយប្រើសំណួរ “What song is playing?”

៥) ដឹងពីកម្រិតស៊ីថ្មតាមកម្មវិធីផ្សេងៗគ្នា (Battery usage by app)៖
មុខងារថ្មីនេះ នឹងបង្ហាញប្រាប់អំពីអត្រាស៊ីថ្មដោយកម្មវិធីផ្សេងៗគ្នា ដើម្បីងាយស្រួលដល់អ្នកប្រើបានដឹង និងបញ្ឈប់ដំណើរការ ដើម្បីសន្សំសំចៃថ្មបានមួយកម្រិត។

៦) មុខងារ Timer អាចប្រើនៅលើកាមេរ៉ា iOS 8៖
ពីមុនមក iPhone/iPad/iPod ដែលប្រើត្រឹម iOS 7 ចុះក្រោមពុំមានមុខងារកំណត់ពេល (Self Timer) លើកាមេរ៉ាដើម្បីថតរូបទេ ប៉ុន្តែដោយសារបច្ចុប្បន្នការថតខ្លួនឯង selfie មានការពេញនិយមខ្លាំង ដូច្នេះក្រុមហ៊ុន បានភ្ជាប់មុខងារ Timer នេះនៅលើ iOS 8។ រយៈពេលកំណត់ពេលគឺចាប់ពី ១០វិនាទីចុះក្រោម ដើម្បីទុកគំលាតពេលឱ្យអ្នករៀបចំថតខ្លួនឯងដោយមិនចាំបាច់មានអ្នកចាំចុចថតឡើយ។

សូមបញ្ជាក់ថា ក្រៅពីលក្ខណៈពិសេសទាំង ៦ខាងលើ ក្រុមហ៊ុន Apple ក៏បានបន្ថែម និងធ្វើបច្ចុប្បន្នភាពលើមុខងារយ៉ាងច្រើនទៀតដូចខាងក្រោម៖

- App Bundles
- Battery usage by app
- Custom actions
- Desktop site in Safari
- Extensibility and App Extensions
- Family Sharing
- Flyover City Tours
- Handoff
- Health app
- Hey, Siri
- iCloud Drive
- iCloud Photo Library
- Improved message group conversations
- Instant Hotspot
- Interactive Notifications
- Mail gestures
- QuickType
- Quick Reply
- Send quick voice messages
- Send quick video messages
- Spotlight enhancements
- Third-party keyboards
- Touch ID in your favorite apps
- Time-lapse videos
- Widgets in Notification Center

ប្រភព៖ The Best News

មើលអត្ថបទនេះទាំងអស់...

iOS8 ចេញឱ្យទាញយកថ្ងៃនេះ

at 10:14 AM 0 comments

ក្រោយការរង់ចាំអស់ជាច្រើនខែមកនេះពីសំណាក់អ្នកប្រើប្រាស់ iDevice ទាំងអស់នោះ ថ្ងៃនេះក្រុមហ៊ុន Apple បានចេញឱ្យតម្លើងប្រព័ន្ធប្រតិបត្តិការណ៍ទៅកាន់ iOS8 ដែលជាប្រព័ន្ធប្រតិបត្តិការណ៍ចុងក្រោយបង្អស់ដែលពោរពេញដោយលក្ខណៈពិសេសៗ និងមានមុខងារថ្មីៗជាច្រើន។ នៅថ្ងៃនេះប្រិយមិត្តអាចតម្លើង iDevice របស់អ្នកទៅកាន់ប្រព័ន្ធប្រតិបត្តិការណ៍ថ្មីនេះបាន ដោយមិនបាច់ព្រួយបារម្ភថាមិនអាចមើលអក្សរខ្មែរបាននោះឡើយ ព្រោះ iOS8 មានភ្ជាប់ពុម្ពអក្សរខ្មែរជាស្រេច តែមិនទាន់មាន Keyboard ផ្លូវការ។
ឧបករណ៍ដែលអាចតម្លើងទៅកាន់ iOS 8 បានរួមមាន៖
- iPhone 4s, iPhone 5, iPhone 5c, iPhone 5s, iPhone 6, iPhone 6 Plus
- iPad mini, iPad mini retina
- iPad 2, iPad 3, iPad 4, iPad Air
- iPod Touch 5th

អ្នកអាចដំឡើងទៅកាន់ iOS8 ដោយ Download និង Update ដោយផ្ទាល់លើកម្មវិធី iTunes គ្រាន់តែភ្ជាប់ទៅ iDevice ទៅកាន់កុំព្យូទ័រ។ ម្យ៉ាងទៀត យើងអាចទាញ iOS 8 Firmware តាមរយៈវេបសាយ www.getios.com បន្ទាប់មកចូលទៅកាន់ iTunes រួចចុចប៊ូតុង Shift នៅលើកុំព្យូទ័រ ហើយចុច Restore រួចហើយជ្រើសរើសយក iOS 8 Firmware ដែលយើងបានដោនឡូដទៅជាការស្រេច៕

មើលអត្ថបទនេះទាំងអស់...

ហ្គេមថ្មីរបស់កូនខ្មែរចេញដំបូងលើ Windows Phone

at 10:04 AM 0 comments

ហ្គេមថ្មីរបស់ក្រុមហ៊ុន DirexPlay Lab ដែលជាស្នាដៃរបស់កូនខ្មែរដែលមានឈ្មោះថា ដំណើរផ្សងព្រេងរបស់ សុក និងសៅ (Sok and Sao’s Adventure) ប្រភេទហ្គេមដើរបាញ់បានចេញឱ្យទាញយកមកលេងហើយនៅលើប្រព័ន្ធ Smart Phone ប្រើប្រាស់ Windows Phone។ ហ្គេមនេះជាហ្គេមដើរបាញ់កម្ចាត់សត្វកំណាច មេបិសាច ជាពិសេសគឺសត្វមូស ដែលជាភ្នាក់ងារចម្លងជម្ងឺគ្រុនឈាមដ៏កាចសាហាវ ក្នុងគោលបំណងក្រើនរំលឹកពីការការពារ និងកម្ចាត់សត្វមូសដែលតែងតែយារយីជីវិតកុមារ និងមនុស្សទូទៅដែលជាស្នាដៃរបស់ក្រុមកូនខ្មែរ។

នៅក្នុងសកម្មភាពលេងហ្គេមកម្សាន្តនេះ ប្រិយមិត្តអាចឃើញពីទេសភាពនានារបស់ប្រទេសកម្ពុជា ដូចជានៅតំបន់អង្គរជាដើម និងមានឧបសគ្គជាច្រើនដើម្បីឆ្លងកាត់ពីមួយវគ្គទៅមួយវគ្គទៀត។

ខាងក្រោមនេះជាវីដេអូផ្សព្វផ្សាយហ្គេម ដំណើរផ្សងព្រេងរបស់ សុក និងសៅ (Sok and Sao’s Adventure) និងអាចចុចទីនេះ ដើម្បីទាយយកមកលេងកម្សាន្តដោយឥតគិតថ្លៃនៅលើ Windows Phone Store ហើយនៅ Play store នឹងមានចេញក្នុងសប្ដាហ៍នេះ ចំណែក App Store នឹងចេញតាមក្រោយទៀត៕

មើលអត្ថបទនេះទាំងអស់...

Pages

Banner 468 x 60px

iOS8 ចេញឱ្យទាញយកថ្ងៃនេះ

ហ្គេមថ្មីរបស់កូនខ្មែរចេញដំបូងលើ Windows Phone

តោះមើល iOS 7 និង iOS 8 ខុសគ្នាត្រង់ណាខ្លះ?

Game: Plunder Pirates

Thursday, September 25, 2014

Apple ចេញវីដេអូផ្សាយពាណិជ្ជកម្មដំបូងអួតពីបច្ចេកវិទ្យាកាមេរ៉ា និងអេក្រង់

Wednesday, September 24, 2014

របៀបមើល App ណាមួយស៊ីថ្មខ្លាំងជាងគេនៅលើ iOS 8

Sok and Sao មានលើទូរស័ព្ទ Android ហើយប្រញាប់ដោនឡូតលេងទាំងអស់គ្នា

អ្នកប្រើ iPhone 6 Plus មួយចំនួនជួបប្រទះបញ្ហាវៀច និងកោងទ្រង់ទ្រាយ

Thursday, September 18, 2014

របៀបតម្លើងក្តារចុចខ្មែរនៅលើ iOS 8 សម្រាប់តែ iPhone

តោះមើល iOS 7 និង iOS 8 ខុសគ្នាត្រង់ណាខ្លះ?

Rovio ចេញហ្គេមថ្មីស្រដៀង Clash of Clans សម្រាប់ iOS

ប្រណាំងកូនឡានជាមួយទេសភាពដ៏អស្ចារ្យក្នុងហ្គេម Beach Buggy Racing

លក្ខណៈសម្បត្តិពិសេសៗ ៦ចំណុចនៅលើ iOS 8 នឹងត្រូវចិត្តអ្នក!

iOS8 ចេញឱ្យទាញយកថ្ងៃនេះ

ហ្គេមថ្មីរបស់កូនខ្មែរចេញដំបូងលើ Windows Phone

អត្ថបទពេញនិយម

បណ្ដុំអត្ថបទចុងផ្សាយ